الكشخه:
هذي من تشم ريحة الطلعة
تروح تطق لك الميك آب وذاك اللبس الزين وتقعد تزين في هالشعر
يعني مايهمها رايحه للسوق ..للجامعة..زيارة عائلية ...كشخه كشخه في كل مكان لو انشاء الله تاخذ لفة حول البيت
____________ _________ _______
2- الدلوعه :
الدلع غريزة في البنت .. يعني البنت اذا محد دلعها .. تدلع نفسها عادي ماتعوق معها
لكن فيه دلع عن دلع الدلع اللي يجي على طبيعته..ياحلوه))
لكن الدلع المصطنع ..وع الصراحح وع يحوم الكبد ..ودك تشوتها إذا جت تتكلم
____________ _________ _________
3- البنات النصابات :
(عاد هالفئه هم قاهريني ودي أفحط في بطونهم )
هذي الكذب عندها ماشي سوقه .. تجيب لكم ذيك النصبه اللي مهيب صاحية وتدري انكم ماتصدقونها بس ماعليها من أحد
( فلانه ليش ماشريتي جوال كاميرا تقولك والله انا شايفه جوال عاجبني توه مانزل هنا ...تمــــــــــــــــر السنين .. وتسألها تقولك إلا الآن مانزل ..)
مدري متى بينزل الأخ ..بس تدرون إذا نزل علمتكم <<<معجزه ذا ماصار جوال
____________ _________ ____
4- العصبيه :
فيه نوعية من البنات تعصب بسررعة .. وما تخلي أحد ماتتهاوش معه... ولو تقولها خير رمتك بأكبر ماعندها
هذي لو تمر الذبانه عند خشمها ياويلها<<<راحت فيها الذبانه
____________ _________ _______
5-الملسونه :
هذي لسانها دايم ناشب في حلقها وعسى ما تقولها كلمه إلا ردت عليك بعشر
يعني يجيك شاب فـي حااالة موب يم أحد .. وتجي البنت تقول : شوفي هذا قليل الأدب من الصبح يلاحقنا ..
مالت عليه .. ودك من يسنعه .. لازم أهزئه عشان يحرم يلحق أحد ..وهو مهوب يمها الضعيف هو في وادي وهم في وادي ثـــــــــــــــــــــــــــــــــــــاني
____________ _________ ________
6-راعية سوالف:
يووووووووووه هذي النوعية متعبة مررررررة
يعني تجيك الوحدة تسولف تسولف تسولف... ويالله سكتها إن كانك شاطر
من وين تجيب هالسوالف ماأدري.. وأتحدى إن خلتك تسولف
____________ _________ ________
7- الضعيفة (دابتن سليمة)
فيه بنات ضعيفات لكن موكثير .. هذولي البنات يرضون بأي شيء ..
كل شي عندها ايه اللي تبونه .. ماتعرف كلمة لا ...
____________ _________ _________ _
8-فرفووووووووشة و فرووووووحة :
يعني تحب الضحك والفرفشة والتعليق .. النكد والطفش ماتعرفة .. وتتعب نفسياً اذا قعدت مع ناس ثقيلين دم
وحتى لو كان مامعها احد يضحك ويسولف .. تروح تشوف وجههاا بالمراية وتقعد تعلق على نفسها وتضحك <<<من ذا اللي يتكلم عني
____________ _________ _________ _
9-شايفة نفسها:
يااكثر البنات اللي شايفات انفسهم .. البعض من البنات يحق لها تشوف نفسها..
لكن البعض اللي مايحق لها .. على ايش شايفة نفسها ... مادري
ماتكلم الناس إلا من طرف خشمها ... واذا ردت ترد عقب الشين
____________ _________ _________
10-راعية الطرب والشكشكة :
هذي النوعية من البنات ماتمشي إلا بمسجلها .. وأشرطتها في شنطتها .. هذي إن جلست معها جتك الزيران غصب
يااااااااااااااااالله يا بناااااااات كل وحده تقول من أي شخصيه هي
يا ويلها اللي تطلع من غير ما ترد بصرااااااااااااحه
